Ծնվել է 17.08.1976թ.՝ ք.Երևանում

1998թ ավարտել է ԵՊՀ իրավագիտության ֆակուլտետը՝ ստանալով իրավագետի որակավորում:

1999թ. ավարտել է ՀԱՀ իրավագիտության ֆակուլտետի մագիստրատուրան:

1999թ-ից արտոնագրվել է որպես փաստաբան և ծավալել է փաստաբանական գործունեություն հիմնականում տնտեսական, ներդրումային իրավունքի, կորպորատիվ հարցերի և բարդ իրավական իրավիճակների և վեճերի լուծման ոլորտներում:

2013 – 2018թթ. հիմնել և ղեկավարել է ՀԱՊ փաստաբանական ընկերությունը:

2016թ. ԵՊՀ գիտական խորհրդում պաշտպանել է թեկնածուական ատենախոսություն «Արբիտրաժային վճիռների կատարման հիմնախնդիրները Հայաստանի Հանրապետությունում» թեմայով և ստացել է իրավաբանական գիտությունների թեկնածուի գիտական աստիճան: Նրա ատենախոսությունում և գիտական հոդվածներում տեղ գտած մի շարք առաջարկներ ներառվել են ՀՀ քաղաքացիական և քաղաքացիական դատավարության օրենսգրքերում:

2016թ. արտոնագրվել է որպես հաշտարար ՀՀ արդարադատության նախարարության և Մեծ Բրիտանիայի Վեճերի Արդյունավետ Լուծման Կենտրոնի (CEDR) կողմից:

2017թ. Փարիզի Միջազգային Առևտրի Պալատի (ICC) համաշխարհային խորհրդի կողմից ընտրվել է Միջազգային Արբիտրաժային Դատարանի անդամ:

2018թ. ՀՀ ԱԺ կողմից ընտրվել է Բարձրագույն դատական խորհրդի անդամ:

2020թ.-ից վերադարձել է մասնավոր փաստաբանական պրակտիկայի, որպես ՀԱՊ փաստաբանական ընկերության կառավարող գործընկեր:

Հայկ Հովհաննիսյանը հանդիսացել է Վերակառուցման և Զարգացման Եվրոպական Բանկի (EBRD) Հայաստանի սնանկության ոլորտում բարեփոխումների ծրագրի  առաջատար փորձագետը: Օրենսդրական առաջարկներից բացի, նա համահեղինակել է սնանկության գործերով կառավարիչների ինտերակտիվ վերապատրաստման ծրագիրը և «Սնանկության վարույթը ՀՀ-ում, գիտագործնական ձեռնարկը», որը երաշխավորվել է հրատարակման ՀՀ արդարադատության ակադեմիայի կողմից:

«ՍԳԿԿ» ԻԿ-Ի անդամ է 28.06.2024թ-ից