|
ՀԱՄԱՁԱՅՆԵՑՎԱԾ Է՝
«Սնանկության գործերով կառավարիչների կոլեգիա» Ինքնակարգավորվող կազմակերպության Դիտորդ խորհրդի
2017թ. ապրիլի 11-ի արձանագրությամբ
«ՍԳԿԿ» ԻԿԿ Դիտորդ խորհրդի նախագահ Ա. Չիտչյան
|
ՀԱՍՏԱՏՎԱԾ Է՝
«Սնանկության գործերով կառավարիչների կոլեգիա» Ինքնակարգավորվող կազմակերպության Ընդհանուր ժողովի
2017թ. մսյիսի 27-ի. թիվ 1 որոշմամբ
«ՍԳԿԿ» ԻԿԿ Դիտորդ խորհրդի նախագահ Ա. Չիտչյան
|
|
|
|
ԱՆԴԱՄԱՎՃԱՐՆԵՐԻ, ՄՈՒՏՔԻ ԵՎ ԱՅԼ ՎՃԱՐՆԵՐԻ ՉԱՓԻ ՈՒ ՎՃԱՐՄԱՆ ՎԵՐԱԲԵՐՅԱԼ
ԿԱՐԳ
Հայաստանի Հանրապետություն
քաղաք Երևան
2017թ.
1. ԸՆԴՀԱՆՈՒՐ ԴՐՈՒՅԹՆԵՐ
1.1.ՀՀ օրենսդրության, «Սնանկության մասին» ՀՀ օրենքին համապատասխան, Անդամավճարների, մուտքի և այլ վճարների չափերի ու վճարմանվերաբերյալ կարգը (այսուհետ՝ Կարգ) սահմանում է Սնանկության գործերով կառավարիչների կոլեգիա» Ինքնակարգավորվող կազմակերպությանանդամների կողմից վճարվելիք անդամավճարների, մուտքի և այլ վճարների իրականացման չափը, կարգը, ժամկետները և պայմանները:
- Կանոնադրությամբ սահմանված կարգով կազմավորել Կազմակերպության սեփականությունը,
- սահմանել Կազմակերպությանը վճարվելիք անդամավճարների, մուտքի և այլ վճարների իրականացման չափը,
- սահմանել Կազմակերպությանը վճարվելիք անդամավճարների, մուտքի և այլ վճարների իրականացման ժամկետները և դրանց հաշվարկման կարգը,
1.3.Կազմակերպության գործունեությունն իրականացնելու համար նրա անդամները պարտավոր են վճարել՝
- մուտքի վճար,
- անդամավճար,
- լրացուցիչ անդամավճար:
1.4.Կազմակերպության սեփականությունը գոյանում է նաև դրամաշնորհներից, նվիրատվություններից և Օրենքով սահմանված կարգով իրականացված այլ գործունեությունից, այդ թվում օտարերկրյա աղբյուրներից: Կազմակերպության անդամների կողմից սեփականության իրավունքով Կազմակերպությանը հանձնած, ինչպես նաև այլ աղբյուրներից ստացված գույքը Կազմակերպության սեփականությունն է:
1.5.Կազմակերպությանը վճարվելիք անդամավճարները, մուտքի և այլ վճարները սնանկության գործով կառավարիչները իրականացվում են կանխիկ ձևով կամ Կազմակերպության հաշվեհամարին փոխանցելու միջոցով:
2. ԱՆԴԱՄԱՎՃԱՐՆԵՐԸ ԵՎ ԱՅԼ ՎՃԱՐՆԵՐԸ ՎՃԱՐԵԼՈՒ ՉԱՓԸ ԵՎ ԺԱՄԿԵՏՆԵՐԸ
2.1.«ՍԳԿԿ» ԻԿԿ-ին անդամակցելու համար անդամության թեկնածուները պարտավոր են Կազմակերպության բանկային հաշվին փոխանցել կամ կանխիկ վճարել՝ Ընդհանուր ժողովի կողմից հաստատված մուտքի վճարը, որը կազմում է 500.000 (հինգ հարյուր հազար ) ՀՀ դրամ:
2.2.Մուտքի վճարի վճարումը կատարվում է Կազմակերպությանը անդամակցելու վերաբերյալ դիմումը ներկայացնելուց առաջ:
2.3.Կազմակերպության անդամակցությունը կամավոր դադարեցնելու կամ անդամին ընկերությունից հեռացնելու դեպքում նախապես վճարված մուտքի վճարը և անդամավճարներ ենթակա չեն հետ վերադարձման:
2.4.Այնպիսի դեպքերում, երբ Դիտորդ խորհուրդը որոշում է կայացնում Կազմակերպությանը անդամագրվելու դիմումը մերժելու վերաբերյալ, նախապես վճարված մուտքի վճարը վերադարձվում է դիմումատուին՝ որոշման ընդունման պահից մեկամսյա ժամկետում, նրա կողմից նշված բանկային հաշվին փոխանցելու միջոցով:
2.5.Կազմակերպության անդամները պարտավոր են վճարել Ընդհանուր ժողովի կողմից հաստատված անդամավճար, որը կազմում է ամսեկան 1000 (հազար) ՀՀ դրամ: Անդամավճարի վճարումը կատարվում է անկախ սնանկության գործով կառավարչի վարույթում գտնվող վարույթների քանակից:
2.6.Դիտորդ խորհրդի կողմից սահմանված դրամական տույժերը վճարվում են Կազմակերպության կանոնադրության, Կարգապահական հանձնաժողովի գործունեության և սնանկության գործով կառավարչի նկատմամբ կարգապահական վարույթի իրականացման կարգով նախատեսված դեպքերում և կատարվում են կանխիկ կամ Կազմակերպության հաշվեհամարին փոխանցելու միջոցով:
3. ԿԱԶՄԱԿԵՐՊՈՒԹՅԱՆ ԿՈՂՄԻՑ ՀԱՍՏԱՏՎԱԾ ԱՅԼ ՎՃԱՐՆԵՐԸ
ՎՃԱՐԵԼՈՒ ՉԱՓԸ ԵՎ ԿԱՐԳԸ
3.1.Կազմակերպության անդամները, բացի մուտքի վճարից և ամսեկան անդամավճարից պարտավոր են Կազմակերպությանը վճարել նաև՝ սույն Կարգով սահմանված չափով լրացուցիչ անդամավճար:
3.2.Լրացուցիչ անդամավճարը գոյանում է կառավարչի վարձատրությունից և կազմում է դրա 5 (հինգ) տոկոսը:
3.3.Լրացուցիչ անդամավճարը կառավարիչը պարտավոր է վճարել իրեն հասանելիք վարձատրությունը ստանալուց հետո՝ եռօրյա ժամկետում:
3.4.Լրացուցիչ անդամավճարը վճարելու հետ մեկտեղ կառավարիչը պարտավոր է Կազմակերպությանը ներկայացնել նաև քաղվածք բաշխման ծրագրից:
4.ԴՐԱՄԱՇՆՈՐՀՆԵՐԻ ԵՎ ՆՎԻՐԱՏՎՈՒԹՅՈՒՆՆԵՐԻ ՏՐԱՄԱԴՐՄԱՆ ԵՎ ՕԳՏԱԳՈՐԾՄԱՆ ՊԱՅՄԱՆՆԵՐԸ
4.1.Կազմակերպության անդամները, ինչպես նաև ցանկացած ֆիզիկական կամ իրավաբանական անձինք իրավունք ունեն ֆինանսական աջակցություն ցուցաբերել Կազմակերպությանը, որը կարող է իրականացվել գույքի անհատույց փոխանցման, ծառայությունների մատուցման կամ նվիրատվության միջոցով:
Նվիրատվությունների և ֆինանսական աջակցությունների արդյունքում գոյացած գումարները կամ այլ նյութական միջոցները հանդիսանում են Կազմակերպության սեփականությունը և օգտագործվում են միայն Կազմակերպության նպատակների իրագործման համար:
4.2.Բացառիկ դեպքերում Դիտորդ խորհրդի կողմից կարող է որոշում կայացվել Կազմակերպության անդամներին անհապաղ ֆինանսական օգնություն ցուցաբերելու վերաբերյալ: Ֆինանսական աջակցության տրամադրման չափը և կարգը որոշվում է Դիտորդ խորհրդի կողմից:
4.3.Կամավոր նվիրատվությունները և ֆինանսական աջակցությունը չեն կարող համարվել որպես մշտապես վճարվող անդամավճարներ:
5. ԱՆԴԱՄԱՎՃԱՐՆԵՐԻ, ՄՈՒՏՔԻ ԵՎ ԱՅԼ ՎՃԱՐՆԵՐԻ ՊԱՏՇԱՃ ԿԱՏԱՐՄԱՆ ՆԿԱՏՄԱՄԲ ՎԵՐԱՀՍԿՈՂՈՒԹՅՈՒՆԸ
5.1.Կազմակերպության համապատասխան մարմինները իրավասու են վերահսկողություն իրականացնել անդամների կողմից անդամավճարների, մուտքի և այլ վճարների վճարումների նկատմամբ: Կազմակերպության մարմինները կարող են իրականացնել ստուգումներ և ճշտել փոխանցված վճարների չափը:
5.2.Վերահսկողությունն իրականացնելու նպատակով Կազմակերպության համապատասխան մարմինները իրավասու են սնանկության գործով կառավարիչներից պահանջելու անհրաժեշտ բոլոր փաստաթղթերը:
5.3.Եթե կառավարիչը ներկայացնում է սխալ կամ ոչ ճշգրիտ հաշվետվություն, որը նվազեցնում է նրա կողմից վճարվելիք գումարների չափը, դա հանգեցնում է կառավարչի նկատմամբ կարգապահական պատասխանատվության:
5.4.Եթե կառավարիչը իր ներկայացրած փաստաթղթերում հայտնաբերել է ոչ ճշգրիտ տվյալներ կամ անհամապատասխանություններ և միջոցներ է ձեռնարկել դրանք վերացնելու ուղղությամբ, ապա վերջինս ենթակա չէ կարգապահական պատասխանատվության:
6. ԵԶՐԱՓԱԿԻՉ ԴՐՈՒՅԹՆԵՐ
6.1.Կազմակերպության անդամի կողմից իրականացվելիք վճարումների պարտավորությունների պարբերական խախտումների /եռամսյակում՝ երկու անգամից ավելի/ առկայության դեպքում Գործադիր տնօրենը իրավասու է դիմում ներկայացնել Կարգապահական հանձնաժողովին, որը Կազմակերպության կանոնադրությամբ սահմանված կարգով հարուցում է կարգապահական վարույթ:
6.1.2.Սույն Կարգով հաստատված անդամավճարները, մուտքի և այլ վճարները սնանկության գործով կառավարիչների կողմից չկատարելու դեպքում, դրանց բռնագանձումը կատարում է դատական կարգով:
6.2.Կազմակերպության անդամակցությունը կամավոր դադարեցնելու դեպքում կառավարչի դիմումի հետ միաժամանակ Դիտորդ խորհրդի կողմից քննվում է նաև Կազմակերպության հանդեպ նրա դրամական պարտավորությունների առկայությունը: Այնպիսի դեպքերում, երբ կան անդամավճարի կամ այլ վճարների պարտավորություններ, անդամակցության դադարեցման հարցը կասեցվում է՝ մինչև այդ պարտավորությունների կատարումը:
6.3.Այնպիսի դեպքերում, երբ սնանկության գործով կառավարչի իրավասությունները դադարեցվում են կառավարչին առաջադրվող պայմանների անհամապատասխանության, կարգապահական պատասխանատվության կամ որակազրկման հիմքով, անդամավճարների կամ այլ վճարների բռնագանձումը կատարվում է դատական կարգով:
6.4.Սույն Կարգը ուժի մեջ է մտնում Կազմակերպության Ընդհանուր ժողովի կողմից հաստատելու պահից:
